Профессор Баймахан Рысбек Баймаханұлы

Баймахан Рысбек Баймаханұлы

Көрнекті ғалым, техника ғылымдарының докторы, профессор, геомеханика саласында маманданған. Негізгі зерттеулер орталығын құрып, басқарып, тұтас бір ғалымдар буынын тәрбиелеген.

Физика кафедрасының профессоры

5 оқулық, 10 ғылыми монографияның және 450 астам ғылыми еңбектердің авторы

20.03.1950 - 27.10.2023

Биографиясы

Баймахан Рысбек Баймаханұлы 1952 ж. 20-наурызында туылған. 1968ж. Шымкент қаласындағы Кеңестер Одағының батыры Қарсыбай Спатаев атындағы №7 орта мектепті алтын медалмен бітірген.

Сол жылы С.М. Киров атындағы қазақ мемлекеттік университетінің физика факультетіне оқуға түскен. 1973 ж. «Физика және физикалық газдар динамикасы» мамандығы бойынша бітіріп, жолдамамен ҚазССР ғылым академиясының «Математика және механика» ғылыми зерттеу Институтына жіберілген.

Содан бергі ғылымдағы бүкіл іс -әрекеті математикалық моделдеу, математиканың қазіргі заманғы сандық әдістеріне байланысты дамыды.

Марапаттары мен жетістіктері

1973-1992

Бірыңғай Ғылым академиясының «Сейсмология», «Механика және машинатану» (кейіннен Ө.А. Жолдасбеков атындағы) ғылыми зертеу институттарында Инженер, кіші ғылыми қызметкер, ғылыми қызметкер, аға ғылыми қызметкер болып жұмыс істеген.

1998

«Құрылымы күрделі массивтегі жерастылық құрылыстарына сейсмикалық күшьер ісер еткендегі кернеулік –деформация күйлері» деген тақырыпта техника ғылымдарының кандидаты ғылыми дәрежесіне диссертация қорғаған (Диплом ТН 1000496, СССР ЖАК).

1995

24 қараша. ҚР ЖАК- шешімімен «Доцент» атағы берілді (Диплом ЛЦ №0001653)

2009

29 –маусым. ҚР білім мен ғылымды аттестациялау мен қадағалау Комитетінің шешімімен «Профессор» атағы берілді.

2017

21- желтоқсан. Қырғызстан Республикасы Инженерлік ғылымдар академиясы Президиумының №71 Қарарымен «Қырғызстан Республикасы Инженерлік ғылымдар академиясының құрметті академигі» атағы берілді.

1992-2023

Қыздар университетінің алғаш ашылған «Информатика және есептеу техникасы» кафдрасының меңгерушісі болды.

Ұйымдастырушылық, іскерлік қабілеттерін көрсеткен ол одан кейінгі жылдары «Информатика», «Информатика және математика», «Математика» кафедраларын аброймен басқарды. Қазақ ұлттық қыздар университетінде сол 1992-жылдан бергі 30 жыл бойы үздісіз қызмет етіп келеді.

2023

Қазақстан Республикасындағы ғылымның дамуына қосқан үлесі үшін ҚР Президенті Қ.К. Тоқаевтың қолынан "Ерең еңбегі үшін" мемлекеттік наградасын алды.

Профессор Рысбек Баймаханұлы ең алдымен геомеханикалық және табиғи процесстерді қазіргі заманғы сандық әдіспен компьютерлік математикалық моделдеу маманы ретінде белгілі.

Сондай-ақ университет мәртебесін көтеру мақсатында иновациялық идеялар мен ұсыныстар айтып отырады.

Соның бірі - университеттегі іргелі ғылым салаларын дамыту мақсатында ректорат пен Ғылыми кеңестерде бірнеше рет жаңашыл ұсыныс жасап, нәтижесінде 2004-жылы ректорат жанынан «Іргелі ғылыми зерттеулер Орталығын» ашып оны педжүктемеге қосымша директор ретінде үздіксіз 2015-жылға дейін басқарды.

Ғылыми зерттеу жұмыстарын тұрақты, әрі мақсатты түрде жүргізу үшін ғылыми орталықтың 2004-2030 жылдарға арналған ғылыми зерттеу жұмыстарының кешенді жоспарын жасады.

Сол Орталықтың халықаралық деңгейде мойындалуы арқасында Жапонияның Хашинохэ, Осака, Токио, Хиросима провинциясының Ямагучи, Канаданың Альберта университетінен осы саладағы көптеген профессорлар қыздар университетіне бірнеше дүркін келіп тегін дәрістер оқыды

фотосуреттері